08/04/2022.- Con fecha 17 de marzu del 2022 fíxose la reunión de la comisión de valoración de la convocatoria pa la selección d’un mínimu de 3 eventos de los presentaos a la convocatoria del programa de patrocinios de festivales y eventos culturales de singular interés, relevancia y esclusividá.

La calificación de les propuestes presentaes como “Seleccionaes” y “Non seleccionaes”, fíxose valorando la so adecuación a estos criterios:

• Interés cultural y/o artísticu del proyectu: valoróse la calidá, orixinalidá, calter y repercusión pública del proyectu y la busca de variedá de públicos. Igualmente, la relevancia, proyección nacional y internacional y el grau de satisfacción d’asistentes y usuarios nel casu de proyectos yá existentes. Túvose en consideración el grau d’ellaboración, detalle y concreción de la propuesta, amás de la so proyección, valorando positivamente los premios que llevare en convocatories d’alministraciones públiques y de los organismos públicos vinculaos o dependientes d’elles.
• Fomentu de la igualdá y la diversidá: consideráronse aquellos proyectos que fomenten la igualdá y/o tean impulsaos o participaos por muyeres.
• Trayectoria, esperiencia y formación de los profesionales y entidaes: valoróse la esperiencia y trayectoria de los profesionales y entidaes nel desenvolvimientu d’actividaes culturales y del fomentu de les distintes artes n’equipamientos culturales, amás de la so formación en disciplines rellacionaes col oxetu del proyectu.
• Viabilidá técnica, económica y rigor presupuestariu: foi oxetu de valoración l’adecuación del presupuestu al númberu de trabayadores involucraos, les empreses y colectivos participantes y los medios que s’aporten.
• Difusión y usu del asturianu y del eonaviegu o gallego asturianu: valoráronse aquellos proyectos que contribuyan a la difusión de la llingua asturiana y l’eonaviegu o gallego-asturianu yá seya col so usu nos soportes de difusión o nel desenvolvimientu del proyectu mesmu, teniendo en cuenta la corrección llingüística y el so calter normalizador.

Resolución completa de la convocatoria de patrociniu de festivales y eventos culturales d’ interés especial 2022 disponible aquí.